Verslag VVS 4 “kampioenswedstrijd”

Zotterdag 25 mai. Onze leste wedstried van het seizoen. Dit zol de kampioenswedstried wodn mor zoals te lezen in eerdere ber wern we veurig week al meister. Vandoage ston de thoeswedstried op program teegn Vvsv oet ulrum dei tot veurig week ook nog in de race wadn veurt kampioenschap. Mor dat laip aans. Tot overmoat van ramp belden ze dunderdag al oaf dat ze nait kwamn voetbaln. Joa twei uur stuurn veur een wedstried dei het er nait meer tou dut. Uitermate onsportief. Ik zol zegn voetbal joen potjes gewoon oet dou joen sportieve plicht. Mor tging nait deur. Radio noord wer nog inschoakelt om toch een teegnstander te vindn met leider broesder achter de microfoon. Ook dit lukde nait. Gelukkig wadn er een stuk of wat jongens van Vvs3 dei nog wel eemn een potje wilden voetbaln. Super bedankt doarveur. Er wer een beetje mixt en zodounde kon we toch nog eemn een balletje trapm. Twei keer een half uur. De opkomst was bijzunder. Vuurwaak fakkels. Verzeugt deur een stuk of wat doames. Geweldig. Jeroen de scheids dee het weer super en foutloos. Het wer 2-2. Bloumn veur iederaine vant vaarde en een welverdaint potje bier en nog aine. En nog aine ….. De trekker mit karre wer in gereedhaid brocht en de tocht der tochten kon begunn. Met veul gezang en kreetn op pad. Het mooiste moment was dat we eemn bie brinkie veur thoes stoan bleemn. Hy was vanwege wat ongemakn vlak noa rust nor hoes goan. Hier wer luidkeels zongn Janpie bedankt. Janpie bedankt. Het greep hom aan dit moment. En ons ook. Troann laipm mie tenminste over de wangn. De raize werd veurtzet. Oostwold en midwolle deur. Onderweegns een sanitaire stop veur michail night dei as een hoazewindhond int sloot vloog. Uitvoering en choreografie een tiene. Trugge bie ons complex wer het super feest veurt zet tot in de loate uurtjes. Iederaine dei ook mor iets doan het om dizze dag tot een feestdag te mokn dank doarveur. Ook oafgeloopm seizoen binn er jongens west dei ons holpm hebm om te kinn voetbaln as speuler of as keeper. Ook dizze jongens bedankt. Specioale dank aan onze laider Emmo koetje. Hy gait ons vaarde verloatn. Dankzij Emmo ston Vvs 4 er knal op. Neije shirts. Sweeters tassen petn. En guster nog vaar neie baln. Emmo het ga je goed in het verdere verloop bie onze mooie vereniging. Dank veur alles en succes. En verder alles en iederaine van Vvs 4 bedankt veur het oafgeloopm seizoen. Groetn Kobo.